Nos recettes

المقادير

• 500غرام لدقيق اللين الخاص بالحلويات إيطو
• 125غرام ديال فينو إيطو
• معلقة صغيرة ملح
• الماء

للحشوة

• كيلو ديال البصلة
• 250 غرام خليع أو أڭريش
• قبطة معدنوس
• كامون و تحميرة معلقة صغيرة و شوية سودانية إلا كتبغي الحار

طريقة تحضير الحشوة

• 1 شلضي البصلة و طيبيها على نار متوسطة بشوية د زيت العود أو الزيت ديال الخليع
• 2 قطعي قبطة المعدنوس
• 3 فاش تطيب البصلة حيديها من النار و زيدي عليها الكامون و التحميرة و السودانية حسب الذوق
• 4 ضيفي عليهوم الخليع مقطع أو أڭريش
• 5 زيدي المعدنوس لي قطعتي و خلطي مزيان

طريقة تحضير الرغايف

• 1 بداي ب125غرام ديال فينو إيطو و نص كيلو ديال الدقيق اللين الخاص بالحلويات غادي تزيدي عليها معلقة صغيرة ديال الملح
• 2 زيدي الماء تدريجيا ونتي كاتدلكي
• 3 خلي العجينة ترتاح لمدة 30 دقيقة الوقت لي توجدي الحشوة
• 4 رجعي للعجين و دهنيها هي و يديداتك بالزيت ثم كوني كويرات صغار حسب القياس لي بغيتي
• 5 خودي كرة وحدة و طلقيها مزيان على شكل دائرة
• 6 ضيفي الحشوة فالوسط و سدي عليها العجين بحال برية
• 7 طلقي كرة ثانية ديال العجين و حطي وسطها الرغيفة لي عامرة الأولى ديالك
• فاش تكملي، غادي تكوني سخنتي المقلة و بداي تطيبي رغيفاتك و قلبيهوم حتا يطيبو مزيان !